Biznes ideyalarının formalaşması

Bu dərsin əsas məqsədi şagirdlərdə biznes ideyanın formalaşması üçün stimul yaratmaqdır. Lakin dərs müddətində şagirdlərin yaradıcı, təsirli və əlçatan biznes ideyası tapmağa fokuslanmaları məqsədəuyğun deyil. Çünki, insanlar sahibkalardan yaradıcı ideyaları yox öz problemlərinə çarə olacaq həlləri alırlar. Məhz buna görə şagirdlər birinci dərs müddətində alıcıların problemlərini müəyyənləşdirməyi və onlarla empatik danışıq aparmağı öyrənəcəklər. İkinci dərs ərzində isə şagirdlər beyin həmləsi aparacaq və dərsin sonuna yaxın müəllimlə yekun müzakirə ediləcək.