İndi olmasa, nə zaman? Mən olmasam, KİM?

Davamlı təxirə salmaq....
və
bununla başa çıxmağın yolları....

- Boş-boş oturmağı, heç nə ilə məşğul olmamağı necə bacarırsan?
- Görəcəyim işləri, sonraya, yəni gələcəyə, təxirə salıram və zaman yetişəndə keşmişimdəki məni günahlandırıram...
Təxirə salmaq, edilməsi, tamamlanması lazım olan və ya arzu olunan işi görməmək kimi müəyyən edilir. Bəzən, təxirə salınan ən vacib və prioritet vəzifələr ola bilər, məsələn, hansı peşəni seçəcəyinə qərar vermək və ya sağlamlıqla bağlı həkimə müraciət etmək kimi, bəzən də otağı səliqəyə salmaq, kiməsə zəng etmək kimi gündəlik həyatda kiçik görünən işlər də ola bilər. Hansı iş, təxirə salınırsa salınsın, nəticə təmamilə eynidir. Gecikmiş işlər digər işlərə təsir edir və çox zaman onları gecikdirir.
Təxirə salınmış və ya görülməmiş işlər üst-üstə yığılır və aşılmaz hala gəlir. Bu vəziyyət, sizdə günahkar, yetərsiz, çarəsiz, ümidsiz kimi duyğular yaradır. Ən pis tərəfi isə, bu hal, akademik, sosial və ya şəxsi məsələlərdə sizi uğursuzluğa sürükləyə bilir....
-Təxirə salmaq vərdişinizin olması sizin üçün problem yaradır yoxsa yox?...
-Nə etməli olduğumu bilirəm, lakin, özümü yorğun, stresli, narahat edirəm...
-Zamanımı idarə edə bilmirəm, iradəmin zəif olduğunu, özümə olan inam və güvənimin, hörmətimin azaldığını hiss edirəm...
Mənə elə gəlir ki, qərar verə və özum üçün heç nə edə bilməyəcəm...
Hər şeyi təxirə salmaq səbəbindən, ətrafımdakıların mənə olan hörmətinin, inamının azaldığını hiss edirəm.
Bilirəm ki, etdiklərim bacara bildiklərimdən qat-qat azdır...
Təxirə salmaq səbəbindən münasibətlərimdə problemlər yaşayıram..
Bu davranış şəxsi məqsədlərimə çatmağa mane olur...
Yuxarıda sadalananların iki və daha çoxuna “hə” deyə cavab versəniz, davamlı nəyisə təxirə salmağın həyatınızda probelm yaratdığını söyləyə bilərik...

Sizcə hər şeyi niyə təxirə salırsınız?
- zamanı effektiv istifadə edə bilmirsiniz?
- təxirə saldığınız işə marağınız yoxdur?
- diqqətinizi toplaya bilmirsiniz?
- mənfi, real olmayan düşüncələrin yol açdığı qorxu və narahatlıq: “uğursuz olacağam, nə qədər çalışsam da bacara bilməyəcəm” üzündən?
- qeyri-müəyyənlik, nə edəcəyini, nə olacağını bilməmək qorxusu?
- Bəlkə, şəxsi problemlər, iqtisadi çətinliklər, ailə münasibətlərində yaranan problemlərə görə?
- mükəmməliyyətçilik- ya ən yaxşısı olmalı, yada heç olmamalı kimi düşüncələr və ya ən yaxşı olmayacağın halda cəhd etməyin mənası yoxdur kimi düşüncələr...
- başqalarının istək və gözləntilərinə yox deyə bilməmək ...
- təxirə salınan işlə bağlı lazımi bilik və bacarığın olmaması...
- təxirə salınan işi etmək üçün motivasiyanın, həvəsin olmaması...

Bəs bununla necə başa çıxmaq olar?
Düşünün:
İlk olaraq nəyi təxirə salırsınız?
Niyə təxirə salırsınız?
Kimi suallara cavab vermək sizin üçün daha faydalı olardı...
Çünki təxirə salmadığınız işlər, təxirə salınanlar üçün ipucu ola bilər. Təxirə salınan və təxirə salınmayan işləri “vacib” və “təcili” olmağı baxımından qiymətləndirin.
Təxirə saldığınız (dərs oxumaq, idman etmək, həkimə getmək vəs) müəyyən edə bilərsiniz.
Bu işləri müəyyən kriteriyalara görə təsnif edə bilərsiniz, məs, məktəblə bağlı işlər, sağlamlıqla əlaqəli işlər vəs.
Sonra bu işləri təxirə salmaq üçün hansı bəhanələr tapırsınız? Bunları araşdırın. Ən önəmlisi, bu səbəb və bəhanələrin doğrudan bir əngəl, yoxsa sadəcə bir bəhanə olmasını özünüzə etiraf etmək çox yaxşı olar.
Təxirə salmaq sizə nə qazandırır: asana qaçmaq yoxsa risk almamaq?
Nə edə bilərsiniz?
-Təxirə saldığınız işlə bağlı əksik olan bilik və bacarıqlarınızı artıra bilərsiniz
-Başqalarına uyğun bir dildə yox deməyi öyrənə bilərsiniz
-İşlərinizi təxirə salmağa yol açan qorxu və qayğılarınızla başa çıxmaq üçün real olmayan düşüncələrinizi daha gerçək və pozitiv düşüncələrə dəyişdirə bilərsiniz. “uğursuz olacağam” yerinə, “əlimdən gələni edəcəm” deyə bilərsiniz.
-Təxirə saldığınız işlərlə bağlı yenidən real və konkret hədəflər müəyyən edə bilərsiniz. Sonra bu məqsədlərə çatmanıza yardım edən kiçik məqsədlər, addımlar ata bilərsiniz.
-Nəhayət etməli olduğunuz ən vacib şey hərəkətə keçməkdir. Sadəcə düşünməklə, halınızdan şikayət etməklə, ilhamın gəlməsini gözləməklə təxirə salmaq vərdişinizin öhdəsindən gələ bilməyəcəksiniz. Bir işə başlamaq, sizin üçün ən böyük motivasiya ola bilər. Kiçik addımlar sizə yol göstərəcək ....
Və düşünün: İndi olmasa, nə zaman ?
Mən olmasam, KİM?
Bu təxirə salmaq vərdişinizlə mübarizədə unutmamalı olduğunuz şüardır!